內容:
一名「神經院長」搞出一連串動作助其上市計畫，首先把神經病院全盤「陰化」，只供女病人入住，因為佢話：「癲女人個market大好多呢！」﹣又唔假得晒喲！
再下一城，招募「神經代言人」, 名模Rosemary 本是最佳人選，但因阿院長抽起條筋，話要起用「素人」，夠真夠生活化?！於是，招來「民女」Anka，此姝唔癲跑去扮癲，都係因為無工做囉！
Rosemary梗係唔會就此罷休啦……
病院配套大大upgrade，並加設美容及Botox(!)等女性服務，都係一條新血路。口號係「小住勝新婚」招徠客路。
原本的駐院醫生因不滿院長上述種種發瘟行徑，毅然唔撈！
後因budget都用來搞以上那些浮誇o野，唔夠錢請來正統醫生，最後找來醫學院一年級學生Eugene來當駐院﹣夠平呀！
就在這瘋女社，假癲的Anka與兩名真病人Bitty及Caa姐焗住同困一室，連綿相處之下，漸漸都分不清誰真癲誰假瘋了……
Eugene根本未學到如何應付神經病人便被派到這裡來，點識醫呢？！只好利用自己的直覺及本能來面對這堆瘋女，其中他的音樂治療原來最work。
當然撞了很多板搞了很多笑吃了很多虧啦！
後來，混熟了，瘋女們都自動與Eugene溝通，他得知，Bitty 癲的成因咪一個「愛」字囉！至於Caa姐，兩個字 ﹣「家庭」。湊埋Anka的「工作」issue，剛好是現代女性的哀歌三重奏。
院長安排《入週刊》專題報導瘋人院的最新動向，初出茅蘆的記者妹方慌負責專題，與Eugene不是冤家不聚頭~~發生了一段少少癲多多趣的曖昧關係~~
一連串瘋狂惹笑，有血有淚的神經過後，最後，原來真癲的另有其人…….係Eugene莫非？定係院長？還是Anka呀？還是阿方慌呀？定係你啦笨笨笨笨笨
成班瘋女加多個未成年醫生，每日高呼口號：「有時唱歌，有時跳舞，有時早禱，有時鍚阿嫂，女人唔補好易老~」
呵呵~~
|
註冊
購買
Buyoyo News Feeds